陶冬唱衰樓市　代理違規狂sell樓

[img]http://static.apple.nextmedia.com/images/apple-photos/video/20131004/org/1380833247_097b.jpg[/img]

尖沙嘴兩大豪宅新盤開戰，由會德豐（020）夥拍新世界（017）合作的柯士甸站The Austin取得售樓紙前，新地（016）即刻為九龍站發展項目第六期中的天璽上載樓書，擺明截擊。大戰前夕，記者放蛇，有代理涉嫌違規銷售，在The Austin未正式公佈價單前提供參考價。另外，信置（083）海鑽昨日截票僅收80票，超額認購0.6倍。

記者昨午直擊兩大豪宅現場，The Austin位於港鐵柯士甸站上蓋，由九龍站圓方經有蓋行人天橋前往，約10分鐘步程。途中可見高鐵香港段西九龍總站的工程如火如荼，沙塵滾滾。近日密鑼緊鼓趕在本月推售的第一期（又稱C地盤），鄰近八文樓，現已興建了十多層高，與九龍站相隔一個高鐵站，日後將被高鐵站上蓋3幢寫字樓分隔。

[img]http://static.apple.nextmedia.com/images/apple-photos/apple/20131004/large/04br03pz.jpg[/img]
■會德豐與新世界合作的柯士甸站項目The Austin被興建中的高鐵地盤重重包圍，沙塵滾滾。

[img]http://static.apple.nextmedia.com/images/apple-photos/apple/20131004/large/b0301b.gif[/img]

[img]http://static.apple.nextmedia.com/images/apple-photos/apple/20131004/large/b0301a.gif[/img]

[b]「實用面積計兩萬幾蚊呎」[/b]
記者到附近某代理行放蛇，一名代理原本愁眉苦臉，低頭玩手機，一聽到查詢新盤，即刻雙目發光。他首先介紹The Austin：「10月尾或19號，就會推出C地盤（即第一期），係文英樓對面，喺高鐵起好後，有天橋連貫晒……雖然未公佈個價，但有消息吹出來，實用面積計兩萬幾蚊呎。」他又指：「有可能用九龍站的中位數去計個呎價，都係兩萬零蚊呎……呢個呎價係會（有人）搶㗎!」他又講到另一新盤，「天璽剛推出來，就係截擊呢個盤，新鴻基知道佢（The Austin）出來，專登推出截擊佢，但面積千幾、二呎，（價錢差唔多？）一定貴，三萬零蚊呎。」
他一邊用手機向記者展示The Austin平面圖，一邊落嘴頭發揮無敵吹水功：「全個香港，全個地球，又有高鐵又有機鐵喺埋一齊嘅，港島區都無呀！」，「呢個地區無懼樓價跌，抗跌力好強。如果梁振英有心壓低樓價，跌嘅都係元朗、屯門、港島東……呢個位置一定唔會跌，至多唔會升，即係如果佢（梁振英）夾硬玩嘢，我指個市大冧。兩年後通車，嗰陣我哋估計升兩成，一定升呀！升緊呀！成個地球你無得揀……你唔使介意景觀，你買得到，你就係贏！」之後他傳訊息給記者：「柯士甸站向西南靚景均價約26,000，向東、東北佐治公園景及市區靚景均價約20,000。」這個訊息曾被發展商否認。

[img]http://static.apple.nextmedia.com/images/apple-photos/apple/20131004/large/04br04p.jpg/img]
■記者放蛇，一名代理在The Austin未公佈價單前，提供參考價錢，涉嫌違規，地監局表示跟進。

[img]http://static.apple.nextmedia.com/images/apple-photos/apple/20131004/large/04br05p.jpg[/img]
■新地見The Austin項目如箭在弦，即刻將旗下天璽貨尾上載樓書，擺明截擊。

[b]銷監局關注　地監局跟進[/b]
銷監局發言人表示非常關注事件，同時亦把事件告知地監局同步跟進。地監局發言人回覆指，代理只可按價單上的價格推銷物業，不存在價單以外的「參考價」，該局會了解事件，如有需要會跟進。另外，天璽於今天舉行重售記者會，轉入賣樓「爆炸彎」。
消息稱，恒地（012）的深水埗曉尚昨天售出的9樓A室，有指買家為內地客，成交價約554萬元，須付83萬元買家印花稅（BSD）。


來源:蘋果日報網站