春卷死心狠撇　思捷：我哋冇變過

[img]http://static.apple.nextmedia.com/images/apple-photos/video/20130805/org/1375645840_853c.jpg[/img]

李思捷最叻玩人，但相信不及他追女技巧般出眾。他與王寶寶（春卷）在09年拍拖已是公開秘密，但思捷經常被影到攬女夜蒲，又先後與𡃁模馮鎵瀠（Naomi）、陳雅倫等傳緋聞，日前又有讀者提供一張他右手攬着女仔腰間相片，二人還合拍地豎起手指公，未知是否又有新歡？
春卷昨日在深水埗為「水著模特兒大賽」擔任評判時，突然宣佈四年情玩完，雖然沒有正面回應分手內情，但強調自己現時單身。她說：「我同佢嘅事唔想講太多，最近都有見面食飯，we still very good friend！」問是否嫌思捷太多緋聞？她直說：「佢一向多緋聞，我𠵱家冇拍拖。」問是否單方面宣佈分手？她說：「佢想做乜佢決定，我哋一直都係very good friend！」

[img]http://static.apple.nextmedia.com/images/apple-photos/apple/20130805/large/05ec3p2aaa.jpg[/img]
■思捷十足情聖，日前又有讀者提供他的攬女相。

[b]思捷：日日有拖拍[/b]
另一邊廂，李思捷昨日現身銅鑼灣為魔術師甄澤權街頭演出打氣，莊思敏與陳庭欣升至半空為對方打氣，惟獨思捷畏高拒登升降台。對於女友春卷突然表明單身，思捷事前似乎不知情，還風騷表示有拖拍，他笑說：「如果我有（女友）就會怕晒佢，𠵱家日日都有拖拍，一陣就同媽咪去拍拖。」當追問和春卷的關係時，他只說：「Special very special！」對於方中信指他是喼汁哥點春卷，他大笑指家中隨時有一兩支喼汁。


[img]http://static.apple.nextmedia.com/images/apple-photos/apple/20130805/large/05ec3p1aaa.jpg[/img]
【C女郎】■春卷昨日自爆單身，間接宣佈與思捷分手。

[img]http://static.apple.nextmedia.com/images/apple-photos/apple/20130805/large/05ec3p8aaa.jpg[/img]
■李思捷昨與陳庭欣和莊思敏支持魔術師甄澤權的凌空表演。

之後知道春卷承認單身，思捷才認真地說：「佢咁講呀？我咁講，我同佢關係非常好，一直係，佢絕對永遠係我close嘅人，我哋關係好好冇變過，我唔會衰格話唔熟。」他續說：「感情上冇變，佢絕對係200分好女仔。」他表示尊重對方言論自由，又讚春卷是勤力女仔，問他是否太花心被飛？他說：「我唔覺得花心。」至於是否沒有給承諾對方而分手，他指不欲談感情事，最後問到會否祝福春卷找到好男人？他說：「搵到咪祝福。」

來源:蘋果日報網站€