青心直說 [胡孟青] 2011 04 14[轉載]

[size=3][color=#0000ff][b]發展商始終係高手[/b][/color][/size]
[size=3][color=#0000ff][/color][/size]
中環原本流傳，面對樓價急升，內地又有保障性住房政策，香江官府既想跟國策，又要紓緩民怨， 4月會宣佈復建居屋，但居屋未見，官府只一次過宣佈定期拍賣多幅地皮。由唔肯到變相肯，政府雖不認，但骨子裏正正就是定期賣地。
恭喜政府終於認真奪回土地主導權。定期賣地，發展商好、用家好，可惜政府遲遲未決，拖到今日，已經暗中說出背後理由，就係特區一直睇住 97樓價做決定──樓價未過 97高峯，可以不理，到 2月份整體樓價已超越 97年高位，就急急補鑊，但亦令老百姓繼續失望。
當然，政府肯主動推地，總比堅持繼續勾地好，但根本問題係官府高地價政策一日不變，就繼續為發展商高價開盤開綠燈。更重要係 4月新盤一個接一個，加埋超過 3000伙，月底再嚟個紅磡地三鬼拍門，官府大推土地，有人會視為利淡因素，但諗深一層，結局可能剛好相反。

市價散貨一舉多得
先講短期主動拍賣嗰幾幅地，幅幅靚地，司徒拔道前嶺南學院舊址地皮，分分鐘天價成交。信供應大增會影響樓價，似乎忘記咗高地價成交，亦會推動高樓價嘅現實。
如果信 5月起主動賣幾幅靚地會高價成交，月底先賣 3幅紅磡地就算造價遜預期，唔使一個月，靚地高價效應會再帶旺樓市。又如果，月底 3幅紅磡地亦出現高價成交，加上 5月靚地效應，樓市就會火上加油！
近日，元朗新盤出現散貨現象，越諗越覺得發展商高明。主動以市價散貨，既可預留彈藥買靚地，又可釋出善意，表明發展商無意「做世界」。新地（ 016）有本事將屯門樓賣近萬蚊呎，但識做故意提早為樓市降溫，唔排除係曲線佈局要政府中計，打消復建居屋念頭。

來源 :HK Portal